教育局硬製出「戰狼330」,淺談制度不公

香港教育制度已經相當混亂,
由教育局各高官都為自己的子女用津貼出國讀書已見一班,
試問連教育局官員斬唔相信嘅制度,
點會俾到信心迫普羅大眾,

今次更爆出基督教宣道會宣基小學小一收330人,
今年派小一的學生是2011年出生的,
即近40多年出生人數最多的一年,
可憐呢330個小孩的家長都唔知道點樣做先好,
一來學校有無資源配合?
二來老師亦要請新,未知質素如何,
我估最終有唔少人會去其他學校讀。

唔講唔知呢間學校只係短暫復辦九年,
只會營運到2024年7月,
可憐呢330人就好似推上戰場一樣,
幸運的就搵到學校做逃兵,
不幸的就像電影中的「戰狼300」一樣同佢死過。

究竟係唔係教育局嘅問題?

直資、私校生,一人霸數個位

雖然接納左直資小學,就唔可以參加自行/大抽獎,但大把人一人霸了數個直資、私立學位。
既然每個小孩最終都只會讀一間學校,為何不可以推出一人一位政策,
每位學童一張註冊證,如要註冊必需取消之前註冊的一間。
一來唔洗各教直、私家長久等,二來多人得到直資學位,間接就少左人參加大抽獎。

另外,政府應否檢視接納左私校亦可参加大抽獎的政策?
呢種拎住隻KING,去博隻A,
令下游人士減少向上游的空間。
考到直、私嘅家長,相信資源應比不能付擔直、私家長豐富,
將心比己,何不留些資源給有需要的人,(如想抽獎,亦可放棄直、私去抽獎)
如私校不能抽獎,相信去考私校作後備的人亦會減少。

自行制度不公
現時舊生子女、同一宗教會有多其他人5分,
我明白舊生父母可能跟學校有相同理念,亦有為學校過去有付出過,
雖然未必公平,但學校可收多一點舊生去保持學校的水平,

但是為什麼宗教亦可加5分??
係因為政府鼓勵市民信教嗎?
可以有人會講同一宗教理念相近,
但自行只可以墳一間,如果有宗教衝突,家長會揀嗎?
最可怕就係好多假教徒為左呢5分去入教,
想做個正直嘅人,反而會受害。
其實是否有必要再檢討一下。

利申: 本人子女已經完成整個小一抽獎+直、私報考,希望教育局可以一改政策,令更多人可以有向上游的機會。